話說, 好耐之前一號買左個好靚嘅珠仔袋, 因為係澳門買番黎嘅關係, 所以一直都無走去買, 因為加埋車馬費可以買多一個, 咁啱我家下做緊果份吊命part time叫我過澳門head office, 嘅然有人出船費, 咁梗係死人都走去買返個啦!

賣袋位大叔真係超級藝術家(連脾氣都係), 不過佢講野又真係好中肯.  全人手造嘅珠仔袋, 若果唔係咁執著, 真係好難做到今時今日.  阿叔仲同我講佢要每日游水keep fit, 若果唔係無精神做落去.  雖然佢加左價, 不過全手製, 比起香港, 都仲係抵好多.  阿叔仲話個袋終身免費維修, 我諗佢檔野一日仲係度, 佢都會整, 不過呢d藝術家做野我梗係覺得充满變數, 唔計呢樣, 山長水遠, 係咪真係有人拎返去整, 真係一個迷.

就係咁, 今日主要敗左以下兩個set:

之前睇中moisture veil, 去到試上手個色同質地都ok, 之不過單買要520個大洋, no discount!! out bud呀! 我諗住within 500架嘛! 跟住ba姐姐就好醒目咁介紹左呢set俾我, 470個大洋+一號張咭95折.  抵! 不過若果唔係呀ba姐姐好似識讀心術咁, 一開始就講中我驚變藝技look, 我諗我真係未必會買得咁爽手.  走果陣ba姐姐仲同我地傾左幾句......尖咀SOGO個counter又真係太細左d嘅!

另一set係無心買嘅, 本來想睇下sofina有無好野, 但佢無乜點平, d set又唔啱駛......最重要嘅係之前我用uv cut milk防晒唔防斑, 諗住算數, 點知行到counter前面接左張傳單, 咁又敗左230個大洋......不過有咁多支sample都抵呀!  佢d防曬雖然無sofina咁爽, 唔知係咪因為我大汗, 所以覺得呢隻油d嘅比較好用呢?

唔等駛就即係果d可有可無, 唔等住用, 分分鐘放埋一邊會忘記左佢嘅存在, 跟住放得一排(3,5,7年?)極有可能會變垃圾嘅野...... 人嘅慾望果然係無限嘅, 不過, 錢係有限嘅呢! 為左呢個地球可以健康d, 都係唔好行咁多街好!

近排嘅敗家實錄!

首先係呢個

今次買埋個大嘅, 個盒好靚, d粉好香, 不過略嫌太閃左d........ 睇左好多好多次(我諗有成年啦!!), 終於忍唔住買左........ 無事出街小破財, 真係一d都無講錯

個粉同個細粉盒差唔多大, 雖然我好少用, 不過會得閒攞出黎睇下, 唔知點解睇下都會好開心...... 如果可以齋買個盒, 我諗我會仲開心

講開又講, 個細盒我用左好耐, 除左靚之外真係一無是處, 又漏粉, 個粉撲洗左兩次就爛左, 當然其他配件仲衰, 一洗就爛(個網無爛到, 但就S形咁凸起左)...... 不幸中之大幸係, 好彩無良印品個細撲啱啱好fit到, 再加上我有d波型嘅粉, 先至可以繼續用, 如果唔係又會變成一個收藏品.........

今日買左呢樣, 上網睇到評價ok, 咁啱萬0特價, 所以買盒試下

一盒兩支, 每日一次, 每次兩滴, 唔知有無較呢? 好似好抵咁, 可以用到幾耐呢?

(閱讀全文)